Dende o pasado día 21 e ata este mércores, 29, o Auditorio Municipal do Concello , acolleu, baixo a dirección técnica da Escola Municipal de Teatro, as IV Xornadas Municipais de Teatro Escolar, nas que participaron máis de 400 novos actores e actrices pertencentes a 15 centros de educación primaria e aos grupos de nen@s da Escola Municipal de Teatro de Vigo.
Cada un dos centros de ensino participantes ofreceu unha representación teatral, e compartiron co resto dos centros o traballo creativo que desenvolveron individual e colectivamente ao longo do curso.
A diferenza doutras iniciativas, como mostras ou concursos de teatro escolar, esta programación didáctico-teatral favorece e supón un reforzo tanto do proceso de traballo creativo cotiá do profesorado e alumnado nos centros escolares, como da plasmación final en formato obra de teatro por parte dos escolares.
Coa continuación por cuarto ano consecutivo destas xornadas, preténdese recoñecer o labor creativo que se está a desenvolver nos centros de ensino, ademáis de tender pontes de froitífera colaboración entre os contornos escolares e o teatro profesional e afeccionado.
E o obxectivo cumpriuse ampliamente, á vista das representacións destos días, que foron tanto un éxito de público, coma de participación, implicación e entrega, como puxeron de manifestó este mércores @s alumn@s do Colexio Chouzo, en sendas representacións, ‘O soriso roubado’ e ‘Tacto’ cheas de imaxinación, nas que a música, o baile e a representación xuntáronse para ofrecer unhas entretidas obras teatrais.
Coma indicaron os representantes da Escola Municipal de Teatro, acadouse, ademáis a finalidade principal destas xornadas, que non era outra que aumentar o interese d@s máis pequen@s nunha actividade cultural que, se cadra, este ano no que o Día das Letras Galegas lembra a vida e obra do xenial Roberto Vidal Bolaño, empeza a atraer máis público ás representacións.
