Comarcas

Case un millón de euros para recuperar espazos públicos e dar emprego en Nigrán

nigran1

Nigrán investirá os case 948.000 euros que recibirá da Deputación de Pontevedra a través do Plan Concellos 2016 para recuperar espazos públicos abandonados e para a contratación laboral de 30 persoas durante un ano “con salarios dignos”.

O alcalde da localidade, Juan González, aproveitou a visita institucional da presidenta da Deputación, Carmela Silva, para presentarlle os proxectos nos que se está a traballar. Este ano, Nigrán vai contar un 35,8% máis de subvencións deste organismo, un orzamento do que 213.000 euros destinaranse ao plan de emprego, 141.000 euros á creación dun parque en San Pedro, 106.000 euros ao parque mestre Xosé Vázquez Grela ou 94.000 euros para a humanización do Torreiro en Parada.

También te puede interesar