O Goberno local vén de aprobar un novo programa de axudas para as comunidades de augas que abrangue control do PSA, alta no SINAC e formación ás directivas das comunidades. O alcalde, Paco Ferreira, reuniuse esta semana cos técnicos da Asociación Traídas Agua Rural (COXAPO) para formalizar un novo convenio que «dará continuidade ao ambicioso programa de analíticas e apoio técnico iniciado polo Concello».
Este proxecto, asegura Ferreira, «continuará grazas á firme aposta do Goberno municipal, para apoiar ás comunidades de augas na mellora dos seus sistemas de xestión e control sanitario». O carácter diferenciador, engade o alcalde, é que non hai ningunha administración que subvencione este proxecto que, aos controles xa existentes suma analíticas obrigatorias.
Tres tramos
Así, o programa pilota en tres tramos, o primeiro o Control do PSA (Plan Sanitario da Auga): dirixido ás comunidades que xa participaron na primeira fase e que contan con analíticas completas e inspeccións previas das súas instalacións. Ademais, está aberta á incorporación de novas comunidades de augas que xa manifestaron o seu interese en acceder a este servizo.
Alta e actualización no SINAC (Sistema de Información Nacional de Augas de Consumo): imprescindible para que as comunidades poidan subir e actualizar os seus resultados analíticos na plataforma estatal do Ministerio de Sanidade, un requisito legal que só é posible tras aprobar o PSA.
Charlas formativas: que permitirán ás directivas das comunidades de augas recibir orientación detallada sobre as obrigas básicas e a xestión eficaz das súas infraestruturas. O Concello pon o foco en formar e informar ás persoas que están ao fronte das comunidades, ofrecéndolles orientación práctica sobre as súas obrigas, o mantemento das instalacións e o cumprimento da normativa sanitaria. Trátase de reforzar a capacidade de autoxestión e de garantir que o servizo de abastecemento se preste nas mellores condicións posibles.
Tamén en vigoalminuto
- A falta de médicos deixa ao PAC de Cangas-Moaña ao límite da asistencia sanitaria
- Emoción y adrenalina: llega el Campeonato Gallego Absoluto de Taekwondo a Tomiño
- Vigo despedirá la Navidad con una ocupación hotelera del 75 %, en diciembre
- Exigen a la Xunta que no oculte el financiamiento del Gobierno en la vivienda pública
- Desde el lunes, corte de la VG-20 sentido Vigo por las obras de rehabilitación del viaducto de Porto
- Caballero llama «desalmados» a los responsables de la Xunta y los acusa de «engañar» a Inditex
Un modelo sostible de xestión da auga
Paco Ferreira salienta a «importancia deste programa como unha aposta clara pola saúde pública e a colaboración co tecido veciñal e comunitario», lembrando o compromiso do Concello con aquelas comunidades que «prestan un servizo básico á veciñanza».
Con esta iniciativa, conclúe o alcalde, «o Concello de Gondomar reafirma o seu compromiso cun modelo de xestión da auga transparente, legal e sustentable, apoiando directamente ás comunidades que xogan un papel fundamental no abastecemento en zonas do rural».
