A Deputación de Pontevedra reabre desde este mércores as portas do Castelo de Sobroso coincidindo coa chegada da Semana Santa.
As persoas que decidan visitar o Castelo de Sobroso poderanse achegar ata este elemento do patrimonio fortificado do destino Pontevedra Provincia nos seguintes días e horarios: de martes a venres de 10:00 a 13:00 e de 17:00 a 20:00 horas e as fines de semana mailos días festivos entre as 10:00 e as 14:00 e entre as 17:00 e as 20:00 horas. Mantendo os seus horarios habituais, o Castelo permanecerá pechado os luns
A apertura chega logo espois dunha extensa tarefa de posta a punto para corrixir certas deficiencias e carencias que presentaban problemas para o seu correcto funcionamento. Estas circunstancias fixeron necesario acometer obras que supuxeron un desembolso total da Deputación de Pontevedra superior aos 300.000 euros.
As obras de conservación estiveron divididas en dúas intervencións nas que se actuou tanto na parcela como na muralla, na capela e na propia edificación do Castelo, obrigando a pechar o Castelo ao público.
