Un completo éxito. Así calificaron as plataformas convocantes da folga de ensino o seguimento da mesma que, segundo salientaron, chegou ao 85%. A Plataforma Galega en defensa do Ensino Público indicou que o paro alcanzou un «éxito rotundo» e con Galicia deixou craro o seu rexeitamento firme á LOMCE. Segundo este colectivo, a folga foi secundada polo 90% de alumnos e profesores o que fixo de Galicia “un dos territorios máis parados do Estado”.
CCOO-Ensino, pola súa banda, fala dunha participación media do 80%, que chegou ao 90% na Universidade, mentres que o Sindicato de Estudantes fixa nun 85% o seguimento do paro.
