A Deputación de Pontevedra destinará preto de 1,1 millóns de euros para que Cangas, Mos, Gondomar Salceda, Cambados, Cerdedo-Cotobade, O Rosal, Mondariz, Mondariz-Balneario e As Neves impulsen novos investimentos e afronten gasto corrente a través das liñas 1 e 2 do Plan +Provincia 2025.
O presidente provincial, Luis López, lembrou que a Deputación xa leva distribuídos este ano máis de 38 millóns de euros, dos 48,2 co que estaba dotado, “entre os concellos da provincia de menos de 50.000 habitantes”.
Investimentos
Dos recursos aprobados en Xunta de Goberno, preto de 890.000 € pertencen á liña 1, de investimentos, e irán a Cangas, Cerdedo-Cotobade, Forcarei, Gondomar, Mos, Mondariz, As Neves, O Rosal e Salceda de Caselas. No caso concreto do Rosal, a institución provincial vai financiar integramente
a reforma interior do seu Auditorio Municipal, con preto de 900.000 euros: 700.000 € do Plan Extra e preto de 200.000 e do +Provincia.
Tamén en vigoalminuto
- Cambados se prepara para la XXI Festa da Vieira, con un día más de celebración
- A Deputación organiza no Castelo de Soutomaior unha nova xeira de Catas con Historia
- El Concello inicia el desenvolvimiento de los solares de Álvarez en Cabral e Coruxo
- Cardiología del Cunqueiro emplea, por primera vez a nivel mundial, una nueva técnica de tratamiento de estenosis aórtica
- Más de 1.000 voces de la cultura exigen al Gobierno un embargo de armas a Israel
- Comezan as obras do novo treito da Autovía Tui-A Guarda, entre o Polígono de Areas e a PO-350
Ademais, tamén a través da liña 1, Cangas recibe 125.530€ para a intervención no centro
cultural do Hío; Cerdedo-Cotobade máis de 45.000 € para as melloras na contorna do pavillón municipal de Cerdedo; Gondomar máis de 48.000€ para o equipamento de bombeo de augas residuais de Castro, Carrasquedo e CDL; Mondariz máis de 53.000 € para a creación dun centro de interpretación da cestería; Mos 382.600 € para a ampliación do parque multiocio da Pesqueira; As Neves preto de 16.000 € para a mellora do torreiro de San Pedro de Batalláns; e máis de 24.000€ para o novo ramal de saneamento en San Estevo de Budiño en Salceda de Caselas.
No que respecta á liña 2, de gasto corrente, esta semana aprobáronse preto de 114.000 euros para que
Cambados e Mondariz-Balneario poidan facer fronte á programación cultural, deportiva e social de
ámbolos dous concellos.
