O Concello de Nigrán iniciou esta semana a remodelación da Alameda da Ramallosa, proxecto que conta cun orzamento de 962.197€ incluídos no ‘Programa Pon2030’ da Deputación de Pontevedra o que implica que a Deputación achegará 769.757€ e o Concello os 192.440€ restantes, debendo estar rematadas no prazo máximo de 6 meses.
Carril bici e itinerarios peonís
Os traballos abranguen unha superficie de 10.888 m² ao carón do esteiro do Miñor e do carril bici, plantexando unha modificación no trazado deste último e dos itinerarios peonís, ata agora moi inseguros en tramos como o do Centro da Terceira Idade, onde se producía un corte e unha confluencia conflictiva entre os diferentes usuarios. Por iso, o tránsito de bicicletas trasladarase íntegramente ao paseo litoral para facelo seguro e atractivo, permitindo ademais que o parque medre eses metros gañados ao carril e quedando así a zona infantil perimetrada por barreiras vexetais e novas vallas, o que o fará máis seguro e autónomo para as crianzas.
Rehabilitación integral
A mellora de toda a Alameda comprende tamén a rehabilitación da súa superficie, moi danada na zona da Capela de San Campio (onde é pedra) e a reposición de céspede e mellora das zonas axardinadas, incluíndo máis arbolado e vexetación en consonancia coa existente e plantas de medio porte que funcionen como elementos de protección. Adicionalmente, substituírase moito do pavimento duro por céspede e dotarase de perímetros de caucho aos elementos de xogo infantil existentes para outorgarlles máis seguridade, cambiase o mobiliario urbano, colocaranse máis bancos e instalaranse aparcabicis na contorna.
Tamén en vigoalminuto
- Huelga en la recogida de basura de O Porriño: los trabajadores anuncian cuatro días de paro en julio
- Los mejores planes del fin de semana en Vigo: cine en Castrelos, teatro, conciertos y el Gran Guateque de O Calvario
- Sánchez tacha de «indecente» la declaración de Patricia Rodríguez y el PSOE acusa al PP de actuar por «desesperación»
- Pintar bajo la ría de Vigo: así será el singular taller de acuarela del observatorio Nautilus
- El Reggaeton Beach Festival cancela toda su gira de 2026 y deja sin celebración la cita prevista en Nigrán
- Música, historia, teatro e gastronomía nunha intensa fin de semana
Parque infantil
Finalmente, o parque infantil está deseñado seguindo un enfoque inclusivo para que todas as crianzas (con ou sen discapacidade) gocen dunha experiencia sensorial, lúdica e social, polo que o principal atractivo será a instalación dun gran conxunto musical único na comarca e que inclúe campás tibetanas, marimba, campás tubulares, xogos de percusión… e a maiores, outro elemento diferenciador será un gran faro escalable que consta de zonas de corda para trepar, tobogán, pontes ou pasarelas.
