Dende a CUT Citroen, denuncian as declaracións realizadas dende a Dirección do Centro de Vigo de Stellantis nos medios de comunicación, deste venres pasado, las que apela á «flexibilidade» e á redución de custos.
Os responsables da CUT rexeitan este argumento e lembran que desde Stellantis aseguraba que os custos laborais e enerxéticos representabn o 70% do custe de produción. Porén, engaden dende o sindicato, en 2023, Stellantis España gastou 14.502.067.000€ en aprovisionamentos fronte a 620.713.000€ en persoal, o que equivale a só 633 euros por vehículo.
«Entre 2004 e 2020, a plantilla reduciuse de 9.115 a 6.998 traballadoras, mentres a produción creceu de 458.200 a 498.000 vehículos, elevando a produtividade por traballadora de 50 a 70 vehículos, demostrándose unha narrativa enganosa sobre custos laborais».
Falta de respecto para os traballadores
Para os representantes da CUT esas declaracións son «unha falta de respecto para as persoas traballadoras que ven un incremento incesante da flexibilidade das c súas condicións laborais e que xa nas ultimas semanas padeceron xornadas ampliadas e sábados obrigatorios de ata 9 horas, ademais coa extensión dunha hora adicional en certos días no Sistema 1 e a imposición da modificación dos descansos en ferraxe».
Dende a CUT entenden que estamos ante un «ataque directo ao benestar das traballadoras, limitando o seu dereito a un repouso adecuado, esencial para mitigar o desgaste físico e psiquico que padecemos».
Obxectivo: incremento de produción
A xuízo da central sindical, «isto non remata aquí», e desconfían de que a finalidade última é un incremento de produción nas vindeiras semanas, «que vai facer si cabe uns ritmos de traballo mais
extenuantes». Así, advirten de que unha liña máis rápida só agravará estas doenzas, sobrecargando aínda máis ás traballadoras e aumentando o risco de baixas laborais.
Así mesmo, cren que estas medidas, «xustificadas pola empresa como necesarias para manter
a competitividade, demostran continuar con unha postura inflexible, priorizando a produción sobre a saúde laboral, que reflicte unha estratexia de maximizar a produción a costa do benestar e saúde«.
Tamén en vigoalminuto
- A Xunta eleva ata máis de 3.500€ brutos ao mes o límite de renda para acceder a vivenda protexida
- Vigo delimita sus Zonas de Bajas Emisiones: estos son los barrios y quién podrá acceder sin restricciones
- Buscan a una mujer desaparecida en Vigo
- Más de 400 viviendas rehabilitadas en Vigo con fondos europeos en plena polémica por la falta de vivienda nueva
- O ex alcalde Javier Bas esixe actuacións urxentes na N-552 ao seu paso por Chapela
- O Porriño busca talento el 19 de mayo: entrevistas en directo y opción de conseguir trabajo
«Criminalización dos traballadores»
Por último, os responsabeis da CUT engaden que «se a isto lle sumamos o que esta acontecer coa criminalización das traballadoras, coa persecución polas chamadas Andon (sistema de alertas para sinalar problemas ou dificultades na produción), ou incluso que as persoas traballadoras enfróntanse a restricións inaceptables, como a imposibilidade de beber auga durante o traballo, e das dificultades para acceder ao baño, especialmente en liñas de produción. Crean un ambiente laboral hostil, con prácticas que culpabilizan ás traballadoras por erros que a miúdo derivan de ritmos excesivos e falta de formación adecuada, en lugar de abordar as causas estruturais».
