O personal do 061 Galicia asistiu durante a fin de semana 80 persoas debido a 57 accidentes de tráfico ocorridos nas estradas galegas entre as 3 da tarde do venres, día 1, e as 12 menos un minuto da noite deste domingo, 3 de decembro.
Asi, os recursos sanitarios mobilizados polos médicos que atenderon as chamadas na Central de Coordinación do 061 foron 64. En concreto, as ambulancias asistenciais de soporte vital avanzado asistiron en 5 accidentes; as ambulancias asistenciais de soporte vital básico asistiron en 57 sinistros e os equipos sanitarios de Atención Primaria en 2. En 59 casos os feridos foron trasladados aos centros sanitarios correspondentes e en 21 ocasións atendeuse no propio lugar do incidente.
