Os profesionais denuncian marxinación, trato degradante, represión e manipulación
Traballadoras e traballadores da Radio Televisión de Galicia (CRTVG) están convocados este venres e sábado a unha nova xornada de folga e de protesta. A mesma, baixo a lema ‘Non máis abusos’, súmase ás das últimas semanas e coincide co ‘Venres Negro 253, o que supón preto de 5 anos denunciando a situación do ente público.
Marxinación, trato degradante, represión e manipulación
Os e as profesionais denuncian unha situación laboral «marcada pola marxinación profesional, o trato degradante, a denegación de dereitos, sancións, e a represión sobre as traballadoras críticas coa manipulación informativa e o desmantelamento da compañía». Por iso, hoxe están convocada, as 12:00h, unha concentración na Praza do Toural, en Santiago.
Traslados forzosos
Nesta liña, os representantes dos traballadores denuncian «traslados forzosos» como castigo, o que é «a manifestación máis recente de abusos laborais». Por iso, piden defender a dignidde dos profesionais que esixen «obxectividade, imparcialidade e veracidade», algo que, evidentemente non existe na información da RTVG.
