RGPD - Cookies
Cultura Vigo al día

O BNG pide no Congreso a paralización das obras do túnel da Porta do Sol

Impedirá facer peonil o Paseo de Alfonso e fomenta o uso do transporte privado polo centro

Obras Porta do Sol Vigo

O BNG vén de solicitar no Congreso a paralización das obras do túnel da Porta do Sol en Vigo. A suspensión dos traballos permitirá «estudar outras propostas que permitan unha peatonalización completa do trazado comprendido entre a Porta do Sol e o Paseo de Alfonso sen a construción de ningún túnel».

Impedirá fomentar o uso peonil e ciclista desta parte da cidade

Néstor Rego, portavoz do BNG no Congreso, salientou que esta obra que ascende a un custo de 17 millóns de euros, «impedirá crear roteiros de continuidade no ámbito histórico e cultural que fomenten o uso peonil e ciclista, como recomenda o Programa Operativo FEDER de Crecemento Sostíbel nas súas liñas de actuación».

O Concello incumpre a normativa europea

Para o BNG é«moi grave» que o Concello incumprira a normativa europea sobre o dereito de acceso e participación na información relativa a medio ambiente, tal e como denunciaron de maneira reiterada tanto as comunidades de afectadas e afectados, como diferentes entidades da cidade e o colectivo Vigo Histórico.

O BNG xa expresou a nivel local e desdeo primeiro momento a súa oposición ao proxecto de túnel, e promoveu unha moción no Concello de Vigo en setembro do 2019 instando a considerar outras alternativas.

«No Bloque estamos a prol de que se peonalice o quilómetro cero de Vigo, continuando a aposta que iniciamos desde unha alcaldía nacionalista no Calvario, na praza da Independencia ou na praza da Constitución» explica o portavoz municipal do BNG, Xabier P. Igrexas. No entanto, Igrexas aclara que a discrepancia está no proxecto concreto. «O que non compartimos é que se acoitele o corazón do centro urbano cun túnel innecesario, insustentábel e caro, que ademais impedirá peonalizar o Paseo de Afonso«, argumenta.

As restriccións de circulación na Porta do Sol amosan que o túnel non é necesario

O BNG salienta que as restricións na mobilidade urbana, acordadas polo Concello, no marco da actual de crise sanitaria a causa do coronavirus, así como as derivadas polos traballos prospectivos previos ao comezo da construción do túnel, «demostraron que este proxecto carece de xustificación e necesidade para promover a efectiva peonalización da Porta do Sol«. Así mesmo, o deseño licitado, coas súas dúas ramplas de acceso proxectadas, impedirá a extensión futura da peonalización á contorna do Paseo de Afonso XII, onde radica un dos principais miradoiros á Ría de Vigo, e á propia rúa Policarpo Sanz.

Colectivos ecoloxistas, empezando por Greenpeace, en contra do túnel

Neste sentido, o BNG destaca o feito de que seis colectivos ecoloxistas (Greenpeace, Amigos dá Terra, Xuventude polo Clima-Fridays for Future, Asociación para a Defensa Ecolóxica de Galiza, Ecoloxistas en Acción-Galiza e Verdegaia) pronunciáronse pública e rotundamente en contra do citado túnel. «Todos eles sinalan que reducir o tráfico non pode pasar por construír novas infraestruturas para coches, se non por medidas como a mellora do transporte público, a creación dunha rede de carrís bici e promover activamente o tránsito peonil» sinala Néstor Rego

Nun manifesto conxunto, subscrito o pasado 27 de febreiro de 2020, e iitulado «Vigo sen fumes», afirman ademais que «a peonalización [do eixo Elduayen – Porta do Sol] debería facerse pensando en baixar as emisións, debería ser efectiva, e non simplemente ornamental. «Os fumes baixo terra seguen sendo fumes e ademais, non é necesario soterrar os coches para lograr unha Porta do Sol peonil. Antes da construción do túnel, deberían estudarse outras alternativas menos lesivas» subliñou Rego.

También te puede interesar