Imáxes:vigoalminuto.com/Inmellorable inicio, este sábado en As Naves, da Festa do Tinto das Rías Baixas. Centos de persoas tiveron a oportunidade de asistir á presentación dos caldos que participan este ano nesta cita, que chega á súa 12ª edición, senón, e por riba de todo, ao ‘pregón-show’ de Pablo Méndez que, dende antes das 11 e ata media noite, deixou aos asistentes sen palabras.
O artista de Rubiós, que voltou As Neves para presentar este ‘pregón’visual da Festa do Tinto, propuxo un mundo de fantasía, como salientou o alcalde, Xosé Manuel Rodríguez, no que o protagonismo foi para a imaxe, o mundo do viño, e a música, que correu a cargo da Banda de Música Popular de Rubiós.
Precisamente, como sinalou o alcalde na presentación, citando ao propio Pablo Méndez, a Banda de Rubiós foi unha das grandes inspiracións deste artista que tivo nos seus avós os referentes para facer da música o cerne e o centro do seu traballo que hoxe é admirado en medio mundo.
Homes videiras, burbullas de cores, flores penduradas no aire, un inmenso cubo voador, ritmo, son, xigantes de luz e unha burbulla que sobrevoa ao público, foron algunhas das imaxes que cortaron o ceo de As Neves onte pola noite e que remataron con todos os asistentes postos en pe agradecendo o feito de ter estado alí.
