RGPD - Cookies
Vigo al día

O BNG quere saír destas novas eleccións con «voz propia» para Galicia

bng pontevedra

O 26 de xuño pode traer unha nova oportunidade para Galicia. Así o transmitiu Luis Bará, número un ao Congreso pola provincia de Pontevedra durante a presentación da candidatura de BNG-Nós ás vindeiras eleccións nacionais, quen asegurou que a nova visita ás urnas non é «unha repetición», senón unha oportunidade para que Galicia «volva ter voz propia».

Arroupado pola portavoz nacional do BNG, Ana Pontón, e pola número un ao Senado pola provincia, Alba Cuba, Bará recordou que os últimos meses «só presenciamos un espectáculo vacuo e pobre da política madrileña sen unha representación galega».

Por iso, a candidatura nacionalista convértese a ollos de Bará nunha resposta para todos aqueles «decepcionados» da forma de facer política centralista fronte ás cinco lexislaturas «nas que o BNG estivo en Madrid para traballar polos galegos e galegas».

 

 

 

También te puede interesar