Segundo a web ceivar.org, M.P.G. unha das pesoas detidas “no operativo repressivo desatado no fim-de-semana no nosso país”, quedou en liberdade sen cargos este domingo logo de “passar quase um dia arrestado e de ter sido acusado policial e mediaticamente de terrorista, a primerias horas desta tarde o jovem viguês ficava em liberdade sem acusaçom de nengum tipo”.
No mesmo portal web, indícase que “o sábado 15 de setembro, a polícia espanhola e a guarda civil desenvolvêrom um operativo contra o independentismo comandado pola audiencia nacional, instituiçom que ordenou o arresto de cinco pessoas. Quatro delas fôrom detidas em Vigo e a outra em Compostela. As vivendas onde moram as pessoas arrestadas fôrom registadas de madrugada. Os detidos permaneciam nas dependências policiais e militares à espera do seu translado à Direcçom Geral da Guarda Civil ou da Polícia em Madrid”.
En opinión desta organización, “os motivos destas detençons que estám a aventar os meios de comunicaçom ao serviço do ministério do interior, como tem sido habitual noutros arrestos de militantes independentistas, assinalam a pertença a Resistência Galega e a bateria de ataques a bancos, sedes institucionais e infraestruturas numha clara mostra de obediência, subjectividade e manipulaçom por parte destes meios”.
Asimesmo, Ceivar indica que o seu comité local de Vigo “organizou umha assembleia informativa coa presença de meio cento de pessoas e acordou convocar umha concentraçom” este luns, 17 de setembro, diante do MARCO ás 8 e media do serán.
