RGPD - Cookies
Vigo al día

A conselleira de Emprego non sabe cal é o futuro laboral en Galicia

A conselleira de Traballo Beatriz Mato, asegurou onte nunha entrevista concedida á Cadena SER que «non é prudente facer unha previsión sobre cando estará recuperado o mercado laboral en Galicia”, e calificou de convulsas” as perspectivas económicas, que “cambian a cada momento”. A conselleira responsable de xestionar os recursos da Xunta para xerar emprego e que desde que tomou posesión viu medrar o paro en máis de 42.500 persoas, salientou que a Xunta «debe adaptar as súas políticas e aplicar medidas como a austeridade e o control do déficit», pero non aportou unha soa solución para atallar a perda de empregos no país.

Eso sí, Mato adiantou que o gobernó galego terá que “adaptar os seus presupostos para 2012 á realidade» ante as previsións de crecemento económico e “en función das contas estatais”, polo que avanzou que «haberá que tomar medias que non serán doadas para cumprir o déficit que está marcado».

Neste senso, Mato lembrou que a Xunta «leva tres anos facendo medias de axuste nos orzamentos», e, engadiu, «é aí onde se van ver as prioridades que marque o Goberno», cuestión que «non será doada pero ante a que hai que estar expectantes».

Sobre si o peche dun centro de atención a menores na provincia de Ourense era unha medida de recorte para o aforro de gasto público, a titular de Traballo e Benestar sinalou que aínda que «haberá quen queira interpretar isto como un recorte non deixa de ser unha eficiencia na xestión», e puxo un exemplo, “se temos unha familia repartida en dúas casas e esta pode caber nunha, aforra un aluguer», engadindo que nun só dos centros de menores «caben todos os menores que a Xunta ten tutelados».

Asimesmo, Mato descartou o peche dalgunha escola infantil e salientou que a Xunta «está a abrir máis, algo que hai que ter en conta nestes momentos económicos«. Sobre a subida de taxas das escolas infantís, puntualizou que este incremento progresivo» e en función de que «quen máis ten tamén paga máis», débese á necesidade de «adaptalas á realidade que ten o seu custo» pois, como subliñou, «levan  dez anos ser revisarse».

 

También te puede interesar