En total 77 feridos en 56 accidentes de tráfico, pero ningún falecido. Tras varias semanas falando de mortos nas estradas galegas, a primeira fin de semana do ano rematou cun balance de 56 sinistros atendidos por Urxencias Sanitarias de Galicia-061, a maioría deles o sábado (pouco menos da metade).
Con 21 sinistros, A Coruña foi a provincia con máis accidentes rexistrados (37,5%), seguida de Pontevedra (37%), Lugo (14,2%) e Ourense (12,5%). A maioría dos atendidos, o 56%, foron homes, mentres que no campo da idade o 42% tiñan entre os 15 e os 29 anos.
