A Alcaldía ultima o programa de inauguración do Auditorio. Segundo información á que tivo acceso vigoalminuto, a mesma podería abranguir unha actuación musical o primero día de 2011.
O alcalde, que hoxe visitou as obras acompañando ao presidente Feijóo, lembrou que o orzamento do Auditorio-Pazo de Congresos é de 85 millóns de euros, dos que un 20% é financiado pola Xunta. Tamén salientou que o goberno presidido por Núñez Feijóo aportou 2 millóns de euros á esta obra, mentres que a cantidade restante dese 20% corresponde ao goberno de Emilio Pérez Touriño.
O rexedor vigués recalcou que noutras cidades coma Santiago ou A Coruña a Xunta financiou o 100% da obra, aínda que reiterou a súa satisfacción porque o presidente autonómico eloxiara a infraestrutura viguesa.
Abel Caballero avanzou que «a obra vai en prazo» e que o Auditorio ten xa cinco grandes eventos confirmados, o primeiro destes será o congreso europeo do mercado de incentivos, reunións e eventos (MITM) e terá lugar en abril de 2011.
