A praia do Con, en Moaña, e a dársena interior do Real Club Náutico de Vigo serán o punto de partida e chegada da XI Travesía a nado da Ría de Vigo, que arrancará este domingo ás 11:30 horas con 176 participantes, o máximo posible por motivos de seguridade de Capitanía Marítima. En lista de espera, preto de outros 80 nadadores que terán que esperar a ver se alguén se da de baixa.
En total de 3.700 metros a percorrer a nado. Haberá trofeos para os dez primeiros de categoría absoluta masculina e feminina e premios en metálico para os seis primeiros. Ademais, os tres primeiros clasificados do Circuito Galego de Augas Abertas acoden a Vigo, xa que a proba é puntuable, xunto con competidores de Portugal e outras comunidades.
A proba comezou a realizarse en 1945, aínda que desapareceu nos anos 70 ata que o Real Club Náutico recuperouna no 2006. Nesta edición haberá unha sentida homenaxe a Alejandro Febrero, nadador que participou nos Xogos Olímpicos de Londres en 1948 símbolo do Náutico que gañou esta travesía en 1945 e 1954 e que faleceu o pasado venres.
