A Consellería do Medio Rural acordou a suspensión temporal das queimas de restos agrícolas e forestais realizadas por particulares en Galicia a partir deste venres e ata novo aviso, como medida preventiva ante o incremento das temperaturas -que superarán os 30 grados o xoves, achegaránse aos 40 graos na provincia de Ourense o venres e máis de 30 o sábado- e o aumento do risco de incendios forestais.
A decisión implica que non se concederán novas autorizacións para realizar este tipo de actividades e, ademais, os permisos que xa foran autorizados deixarán de ter validez desde a entrada en vigor da medida.
Segundo explica a Xunta, a suspensión foi adoptada tras avaliar a evolución da situación meteorolóxica e analizar distintos indicadores técnicos que inflúen no risco de incendio. A normativa vixente tamén establece a paralización das queimas cando as condicións meteorolóxicas poden dificultar o control do lume e incrementar o perigo de propagación.
Extremar a prevención
Desde a administración autonómica fan un chamamento á colaboración cidadá para extremar as medidas de prevención e manter a máxima prudencia durante estes días. Neste sentido, lembran que desde este venres e ata novo aviso queda prohibido o uso do lume para actividades agrícolas e forestais por parte de particulares.
A Xunta tamén solicita á poboación que comunique calquera actividade incendiaria sospeitosa da que poida ter coñecemento e lembra que o teléfono gratuíto 085 permanece operativo para alertar sobre a detección de incendios forestais.
Outras novas
- Caballero apunta a que la Xunta podría estar frenando inversiones en Vigo con advertencias sobre la falta de agua
- Desvalijan cuatro veces una empresa de Ponteareas y venden el cobre robado por 1.700 euros
- Vigo participa en el mayor estudio europeo sobre la vigilancia del cáncer de colon
- Desirée Vila se suma a la marea azul de Vigo para una ‘Gran Recogida’ que todavía necesita voluntarios
- Que la espera no sea la respuesta: llamada a manifestarse en Vigo para defender la sanidad pública
