O Bloque Nacionalista Galego (BNG) volveu esixir hoxe o rescate inmediato da concesión do Hospital Álvaro Cunqueiro, xestionado por unha UTE privada en mans dun fondo de investimentos francés, para o converter nun hospital 100% público e axeitado ás necesidades da área de Vigo.
Segundo denunciou o portavoz municipal do BNG, Xabier P. Igrexas, «a privatización imposta pola Xunta do Partido Popular beneficiou exclusivamente á UTE de empresas privadas que construíu e xestiona o hospital, embolsándose 23 millóns de euros en beneficios limpos nos últimos dez anos, mentres o Sergas paga un canon anual de 70 millóns de euros para o seu uso«.
«Un hospital recortado e insuficiente«
O Hospital Álvaro Cunqueiro, inaugurado hai 10 anos, foi obxecto de duras críticas polo BNG desde o seu inicio debido aos recortes nas súas instalacións e servizos. «Malia o escandaloso sobrecusto de 470 millóns que o propio Consello de Contas denunciou nun informe oficial, o Hospital Álvaro Cunqueiro segue a ter un 30% menos de camas das inicialmente proxectadas, un 40% menos de quirófanos e 16.000 metros cadrados menos de superficie hospitalaria», afirmou Igrexas.
Ademais, o hospital carece de dotacións para a formación universitaria e do hotel de pacientes inicialmente previsto, o que limita a súa capacidade para atender as necesidades sanitarias da área de Vigo.
O portavoz municipal nacionalistas subliñou que o modelo privatizador imposto polo PP converteu a saúde da cidadanía nun «lucrativo negocio» para empresas privadas, en detrimento da calidade asistencial. «O Partido Popular castigou a área de Vigo cun hospital recortado, con menores servizos e peor calidade construtiva, que é claramente insuficiente para atender as necesidades dunha poboación adscrita de máis de 600.000 persoas», denunciou.
Tamén en vigoalminuto
- La Policía desmantela dos ‘narcopisos’ en Vigo y detiene a cuatro personas
- Fin a la huelga médica: Xunta y profesionales pactan subidas salariales, 35 horas y mejoras en las guardias
- Toma nota: lluvia todo el fin de semana
- Detenido un fugitivo por agresión sexual que se cambió de género para intentar eludir a la Justicia
- BNG y PP piden la dimisión de la concejala de Seguridad, tras su imputación por el accidente mortal del ‘Saltamontes’
- El juez abre juicio contra la concejala de Seguridad de Vigo por el accidente mortal del “Saltamontes”
Gran negocio privado
O BNG considera «escandaloso» que o hospital, que custou tres veces máis que se fose construído desde o sector público, siga xerando beneficios para privados a costa do diñeiro público.
Esixen a inmediata reversión da concesión para que o Hospital Álvaro Cunqueiro pase a ser xestionado de forma integramente pública, garantindo así unha atención sanitaria de calidade e adecuada ás necesidades da poboación. «Temos que seguir a esixir o rescate desta ruinosa concesión para garantir que a área de Vigo teña un hospital cento por cento público, dotado e dimensionado para atender as necesidades da poboación», afirmou Igrexas.
A formación nacionalista propón unha reorientación dos recursos públicos para mellorar as instalacións, aumentar o número de camas e quirófanos, e dotar o hospital das infraestruturas necesarias para a formación e a atención integral.
«Temos que poñer fin ao modelo co que o PP fixo da saúde das viguesas e dos vigueses un lucrativo negocio para empresas privadas, non podemos permitir que se siga enchendo os petos privados do fondo Meridiam con ducias de millóns de diñeiro público«, remachou Igrexas.
