O Concello do Porriño vén de publicar as bases reguladoras para a convocatoria das Becas Antonio Palacios 2025, dirixidas ao alumnado do municipio que obtivese os mellores expedientes académicos na PAU. Con esta iniciativa, o Concello quere recoñecer o esforzo e a excelencia do alumnado de 2o de Bacharelato que acadou as mellores cualificacións na Proba de Acceso á Universidade.
15 axudas de 300 euros
Concederanse un total de 15 axudas de 300 euros cada unha, destinadas a apoiar os estudos
universitarios do alumnado con mellores resultados. A selección do alumnado realízase atendendo a
unha nota igual ou superior ao 8,5 na fase xeral da PAU.
Prazo
Este martes, 1 de xullo, ábrese un prazo de 15 días hábiles para que as persoas interesadas presenten a súa solicitude a través do Rexistro do Concello, xunto coa documentación requirida, que se detalla nas propias bases. O texto completo das bases pode consultarse na páxina web do Concello, oporrino.org.
Tamén en vigoalminuto
- ¿Buscas trabajo? El naval abre en Vigo un curso con compromiso de contratación y sin experiencia previa
- Os madrileños que visiten Galicia non poderán beneficiarse dos descontos no transporte público
- Vitrasa reorganiza el transporte para la gran noche de Vigo: refuerzos por la final del Mundial y los Fuegos de Bouzas
- La Diputación insta al Concello a una solución para mantener los 2,58 millones de Finca Matías
- Robó un bar en O Porriño y cayó minutos después con la caja registradora entre las manos
- Los músicos de Vigo protestarán en Castrelos antes del concierto de Molotov: «La música local se apaga»
Entrega
A entrega simbólica destas becas terá lugar nun acto institucional nos vindeiros días, co obxectivo de homenaxear ao alumnado galardoado e poñer en valor o papel dos centros educativos e das familias no proceso formativo. As becas levan o nome de Antonio Palacios, arquitecto porriñés de renome, como símbolo do compromiso da vila do Louro coa cultura, o coñecemento e a formación. O Porriño continúa así a súa «aposta decidida pola educación de calidade».
