Como nunca se sabe cando será a vindeira actuación, Carlos Blanco vai por “A penúltima” e, de paso, ponlle nome ao espectáculo que marca o inicio dunha nova edición dos monólogos R.
O prolífico actor chega desta volta con imaxes e historias novas e vellas, pero co denominador común dos risos garantidos. No escenario, Carlos Blanco convocará orquestras, viaxes, idiomas, frases do cine e da tele, e mesmo procesións insólitas do seu imaxinario infinito, ao que xa nos ten moi afeitos. Humor intelixente, anecdotario popular e vivencias sempre vinculadas a Galicia.
Así, o pano dos monólogos R sube de novo no auditorio Mar de Vigo. Regresa un espectáculo que, dende hai dezasete anos, conducido por actores e actrices moi populares, fai rir a milleiros de persoas das catro provincias galegas.
Nin kiwis, nin ‘galiZaras’, nin porno en galego
E que ninguén agarde explicacións (ou si) de como se dobraron ao galego algunhas pelis americanas, de por que os/as vellos/as do rural sempre ofrecen kiwis a quen pasan polas súas casas ou de que é iso dos GaliZaras, temáticas recorrentes doutros espectáculos do actor.
Tamén en vigoalminuto
- O Porriño denuncia la paralización indefinida de la eliminación del paso a nivel, pese a tener el proyecto listo
El alcalde acusa al Gobierno central de romper unilateralmente un acuerdo técnico para suprimirlo - Detenido un hombre por robar y agredir a un vigilante en el mercado navideño de Vigo
Agentes de la Policía Nacional de la Comisaría de Vigo detuvieron a un individuo como presunto autor de un delito de robo con violencia o intimidación tras ser sorprendido en el interior de una caseta del Cíes Market, el principal mercado navideño de la ciudad. El sospechoso había accedido al puesto tras forzar la puerta … Continue reading Detenido un hombre por robar y agredir a un vigilante en el mercado navideño de Vigo - Chapela estrea un novo espazo público coa apertura do segundo tramo da Vía Verde
Conecta camiños históricos e incorpora unha zona de descanso con pérgola
Semella que “A penúltima” vai por camiños alternativos (aínda que con Carlos Blanco nunca se sabe). O que si se pode asegurar é que setenta minutos co humorista resultan sempre escasos, divertidísimos, terapéuticos e imprescindibles. “A penúltima” chega este ano e xa veremos que acontece despois.
O obxectivo, coma sempre, relatar, parodiar, reflexionar e cuestionalo todo para facer pasar unha tarde de diversión á audiencia dos monólogos R. Nesta nova edición haberá, ademais, algunha novidade inesperada que seguramente collerá desprevido o público. E ata aquí pódese ler.
