O presidente da Xunta anunciou este xoves en Vigo que o novo centro de Aspanaex situado en Coia, inaugurado hoxe, contará con 35 prazas concertadas a partir dos primeiros meses de 2025.
Rueda, que salientou o traballo de Aspanaex e de todas as asociacións que traballan pola discapacidade en Galicia, fixo fincapé en que estas desenvolven “funcións insubstituíbles”.
O presidente do Executivo autonómico, salientou que son “miles de persoas as que dedicades o voso tempo a cambio de nada” para lograr obxectivos que, se se abordasen só desde a Administración, “o resultado desde logo non sería nin moito menos tan bo”.
Tamén en vigoalminuto
- Una persona muere atropellada en Vilanova de Arousa y el coche implicado continúa la marcha
- Participantes da Flotilla Global Sumud denuncian torturas e agresións sexuais tras a interceptación israelí
- Suspensa a última hora a Carreira da Cereixa de Beade: a organización acusa ao Concello
- La basura amenaza Vigo: la negociación fracasa y la huelga sigue adelante
- Luisa Sánchez advierte de que la fórmula del Concello para Balaídos deja fuera a la Diputación
- Prisión sin fianza para el hombre que rompió la pulsera telemática y atacó a su expareja en As Neves
100 prazas
O centro, que segundo Rueda vai supoñer “un antes e un despois” en Vigo e toda a súa zona, prestará servizos de residencia e centro de día e contará cun total de 100 novas prazas. A Xunta achegou 2.000.000€ para financiar as obras, unha cifra que supón case o 50% do total e que provén dunha orde financiada con fondos europeos e que xa beneficiou a 10 entidades sociais galegas.
Na inauguración tamén estivo presente a vicepresidenta da Deputación de Pontevedra, Luisa Sánchez, e o subdelegado do Goberno en Pontevedra, Abel Losada, quen lembrou que este novo centro contou cunha axuda de 2 millóns de euros de fondos europeos do Plan de Recuperación transferidos á Xunta de Galicia polo Ministerio de Inclusión.
