Tras as denuncias presentadas por Ecoloxistas en Acción ante a Confederación Hidrográfica Miño-Sil, este organismo de bacia anuncia a apertura dun expediente sancionador contra Real Club Celta de Vigo S.A.D. por «Vertido directo, sen autorización administrativa previa do organismo de cuenca, de augas residuais procedentes das instalacións de depuración que recolle as augas pluviais e de escorrentía das instalacións de depuración do Real Club Celta de Vigo ao cauce dun regato o día 22/05/2024, no lugar de Pereiras«, no concello de Mos.
Proba de contaminación
A denuncia presentada ante a Confederación levaba aparellada, como proba da contaminación, os resultados da analítica do vertido encargada por Ecoloxistas en Acción que reflicten unha «altísima concentración de fecais e tamén a presenza de varios compostos químicos asociados aos pesticidas e fertilizantes orgánicos habitualmente utilizados no coidado e mantemento dos campos de fútbol».
A organización ecoloxista tamén presentou denuncia ante a Xustiza e o Xulgado de Instrucción número 2 de Vigo xa notificou aos ecoloxistas a apertura de dilixencias previas para «investigar o vertido contaminante procedente de A Fouteza, a cidade deportiva da SAD Celta en Mos, xa que aprecia posible delito contra os recursos naturais e o ambiente (PROC. ABREV. 929/2024)».
Ademais en vigoalminuto
- La travesía entre las Cíes y Baiona bate récord de participación con más de 160 nadadores
La travesía a nado entre las Cíes y Baiona volverá a reunir este septiembre a algunos de los mejores especialistas en aguas abiertas de España y del extranjero. Más de 160 deportistas procedentes de 13 comunidades autónomas y 13 países participarán en la primera prueba de la Triple Corona Illas Atlánticas 2026-2028 sobre una distancia … Continue reading La travesía entre las Cíes y Baiona bate récord de participación con más de 160 nadadores - Vigo ya vive el Galicia Fest: el puerto se transforma con un macroescenario y miles de asistentes en camino
El festival transforma el Peirao de Transatlánticos con un escenario de 18 metros y genera alrededor de 300 empleos - AP-9: a Xunta rexeita asumir 4.000 millóns e pide volver ao acordo orixinal da transferencia
Allegue defende o traspaso, pero advirte de que Galicia non pode soportar unha “débeda hipotecaria” ligada á autoestrada
Recoñecemento do Concello de Mos
Para a organización ecoloxista «queda claro que o Concello de Mos recoñece xa que a tubería procedente das instalacións do Celta é un emisario do aliviadero dunha cuba de recollida de pluviais e augas residuais dos regos». Esta auga recollida «arrastra materia fecal dos abonos orgánicos e compostos químicos dos plaguicidas utilizados no mantemento dos campos de fútbol». Cando a cuba se enche, esta rebosa e se alivia a través da tubería que verte no monte. Isto demostra que o vertido non é inocuo, xa que conten augas resduais contaminantes.
Para Ecoloxistas en Acción «o vertido contaminante procedente da Afouteza é claramente un delito contra os recursos naturais o ambiente, pero tamén un delito contra a saúde pública». A poucos metros, ladeira abaixo, do vertido atópanse varios mananciais das traídas de auga que corren un grave risco de contaminarse.
«A infltración nos manancias de productos contaminantes pode afectar ás familias usuarias e terse que clausurar as captacións de auga deixando a miles de fogares sen auga de boca«, sinala Xaquín Pastoriza, coordinador do grupo local de Ecoloxistas en Acción, quen ademais lembra que «no caso de Mos, o concello carece dun servizo municipal de subministración de auga ás casas co que suplir a clausura das captacións veciñais».
