O Concello de Nigrán busca un novo leira-parking gratuíto no centro urbano que se sume ao situado desde o ano pasado en 1.200 m² de terreo municipal na rúa Vilaméan. Con este obxectivo, hoxe publicouse en Sede Electrónica (‘Perfil do Contratante’) o decreto coas bases do concurso público para adxudicar un contrato privado de arrendamento dunha parcela ubicada a non máis de 250 metros da Casa Consistorial.
Requerimentos
O procedemento, en aras da máxima transparencia e legalidade, é o mesmo que se seguíu no ano 2020 para alugar o da rúa Torriña (funcionou ata 2023, rexeitando a propiedade a prórroga). Os pregos novamente esixen que se sitúe a un radio de 250 metros da Casa do Concello; que teña un mínimo de 2.000 m² de superficie e sube o prezo máximo aos 3,60 €/m2/ano.
Prazos e características
Os interesados que cumplan os requerimentos esixidos nas bases dispoñen ata o 16 de maio inclusive para presentar as súas ofertas, priorizándose na adxudicación a mellor rebaixa económica e a distancia con respecto ao Consistorio.
As características establecidas para esta parcela mantéñense iguais que no 2020 coa salvedade dun aumento do prezo máximo do arrendamento, que pasa de 2,58 €/m2/ano a 3,60 m2/ano (suma un máximo de 13.068 €/ano incluíndo IVE). Así, figura novamente como imprescindible situarse nun radio de 250 metros medidos desde a porta ata a casa consistorial; acceso por vial público asfaltado e con iluminación pública e fronte mínima de 5 metros; topografía eminentemente chaira; solo rústico ou apto para desenvolver; ou superficie mínima de 2.000 m2 non sendo abonados nin empregados os metros cadrados que superen os 3.000 m². Valórase, ademais da mellora económica e a distancia, a posibilidade de que a parcela poida ter máis dunha saída independente. Finalmente, o contrato será renovable anualmente ata un máximo de 4 anos.
Con este aluguer, sumado ao leira-parking xa existente na rúa Vilameán, o goberno local outorgaría ao centro do municipio dunha capacidade de aparcamento tal que nutriría incluso as necesidades do verán, cando se multiplica a poboación. A maiores, e ademais da liña de autobús intramunicipal Nigranbus, compre recordar que na Ramallosa, o outro gran centro urbano do municipio, o Concello mentén desde 2022 operativo un parking 100% público e gratuíto cunha media de uso de 600 vehículos diarios.
