Os equipos de extinción sufocaron o incendio forestal declarado na madrugada deste domingo no concello lucense de Palas de Rei, logo de que as lapas arrasaran unhas 182 hectáreas de monte.
Segundo indica a Consellería do Medio Rural, este incendio forestal iniciárase ás 05:27 horas de onte na parroquia de Moredo e para acabar co mesmo mobilizáronse 6 axentes, 22 brigadas, 6 motobombas, 4 avións e 4 helicópteros.
