Representantes da plantilla da Policía Local de Redondela aseguran que «malia tódolos esforzos dos efectivos do corpo» para ofrecer o mellor amparo as vítimas de violencia de xénero e doméstica, «atópanse moitos impedimentos para facelo». Asaguran que nin se teñen os medios nin o persoal necesario para dar a cobertura que precisan as vítimas.
Precariedade de medios, falta de efectivos e necesidade de formación
No mes de Xaneiro, o Goberno Local asinou un Convenio coas Forzas e Corpos de Seguridade do Estado para ofrecer un programa de seguridade integral. «Dende a Policía Local ponse en coñecemento do Goberno Local, un mes antes, a precariedade de medios, a falta de efectivos, e a necesidade de formación actualizada para dar a protección que o novo protocolo establece e que obedece a nova normativa comunitaria, estatal e europea».
Expoñéronse detalladamente, aseguran, «e en repetidas ocasións» como debería funcionar o grupo de «Vioxén». Precísanse, por exemplo, espazos reservados para garantir a privacidade das vítimas ou ter un teléfono 24 horas para atención destas persoas.
Por desgraza, subliñan dende a Policía Local, o goberno de Redondela fai caso omiso das recomendacións que se lle achegan».
A día de hoxe, engaden, «non se recibiu contestación» e «trabállase con precariedade absoluta de medios«.
Por iso, dende a Policía Local de Redondela quérese facer fincapé en que, «cas vítimas de violencia de xénero non se fai populismo saíndo na prensa, sen facer caso ós traballadores que día a día tentan facer o traballo coa maior profesionalidade, coma se merecen tódalas vítimas que hai que protexer, axudar ou asesorar».
