O Goberno local de Tui lembra, nun comunicado oficial, que o tramo comprendido entre a rúa Ordóñez e Paseo da Corredoira “ten carácter residencial tal e coma indica o sinal instalado nos últimos días”. Isto significa, subliña o comunicado, que neste vial teñen preferencia os peóns sobre os vehículos.
“Nesta zona aplícanse regras especiais de circulación, de tal xeito que os vehículos non deben circular a máis de 20 km/h e os condutores deben dar prioridade aos peóns”. A instalación deste sinal obedece as características deste tramo de rúa que atravesa a zona de paseo na Corredoira polo que camiñan polo mesmo un importante número de persoas.
