Un neno resultou ferido esta tarde no concello de Neda ao caer da bicicleta cando circulaba pola Avenida de Castelao da localidade coruñesa.
Os feitos ocurriron sobre as 16.45 horas e a vítima tivo que ser trasladada nunha ambulancia ao Hospital Arquitecto Marcide de Ferrol.
Unha persoa ferida nun choque entre dous turismos e unha furgoneta
Por outra banda, unha colisión múltiple entre dous turismos e unha furgoneta deixaba unha persoa ferida en Cambados.
O sinistro produciuse sobre as 13.40 horas e a persoa ferida tivo que ser axudada a saír do vehículo. Os efectivos de emerxencia cortaron unha das portas do coche para poder evacuar á vítima, que foi trasladada nunha ambulancia ao Hospital do Salnés.
Como consecuencia da colisión, un dos carrís da vía permaneceu cortado ata que se procedeu á retirada dos vehículos e á limpeza da calzada.
