Arredor do 70% do persoal dos centros de chamada secundou o paro convocado pola CIG para reclamar un convenio xusto e centos deles participaron nalgunhas das concentracións que se celebraron en Vigo, Lugo e A Coruña.
A este 70% de seguimento da quenda de mañá haberá que sumarlle a da tarde, que se espera que sexa maior. Como en anteriores ocasións, as empresas onde a protesta tivo máis repercusión volveron ser a viguesa Bosch ou as coruñesas Extel e Atento.
Esta nova xornada de folga entra dentro do programa de mobilizacións para para reclamar un convenio colectivo xusto, cunha negociación aberta e participativa e ratificada polos propios traballadores en referendo.
