Galicia é a segunda comunidade do Estado onde máis medrou o paro o mes pasado: 3.066 persoas anotáronse nas oficinas de emprego en novembro, e xa hai 225.158 galegos sen emprego dos cales o 51%- 114.830- non cobra prestación algunha.
O desemprego aumenta en todos os sectores da ecconomía e segundo os datos do Ministerio de Emprego e Seguridade Social, os contratos que se asinan en Galicia baixaron en preto de 10.000 en novembro, un 13% en relación a octubro. En total, asináronse 68.070 contratos dos cales, 62.791 foron temporais- o 92,2% do total- e 5.279 foron indefinidos, o 7,8%.
En toda Galicia, a finais do mes pasado, traballaban 809.188 persoas, das cales 60.434, un 7,47% tiñan un contrato indefinido, e 748.754 un temporal- o 92,5% de todas elas.
