Os Afectados polas Preferentes do Baixo Miño estarán no Pleno do Concello de Tui, o xoves que ven, para esixir explicacións ao alcalde, Moisés Rodríguez, ante as multas a varios dos integrantes da plataforma por manifestarse “pedindo que lles devolvan os seus cartos”.
Segundo o voceiro dos afectados, o montante total das sancións supera os 16.000 € e, lembrou, «Rodríguez comprometeuse a facerlle fronte ás mesmas».
Onte os afectados estiveron no Pleno do Concello de O Rosal polo mesmo motivo e, pola tarde, celebraron unha asamblea na que adiantaron que agardan que milleiros de personas se sumen á manifestación convocada en Vigo o vindeiro sábado, 1 de febreiro.
Xulio Vicente agarda a solución do presidente de Banesco, Juan Carlos Escotet ainda que, avisou que si non é así, volverán ás mobilizacións, “e con máis forza” porque, subliñou, “non imos permitir que nos engañen de novo”, ao tempo que lembrou que non teñen resposta de Escotet á súa petición de mantes unha entrevista, algo que calificou de “moi pouco esperanzador”.
