A Garda Civil busca aos atracadores dunha gasolineira de Tui que se levaron a recadación desta estación a man armada.
Segundo informou a Garda Civil, dous atracadores entraron co rostro cuberto na gasolineira e apuntaron cunha escopeta aos empregados para levarse os cartos.
O suceso, que tivo lugar preto das 11 da noite deste xoves, produciuse na parroquia de Guillarei e investíganse as circunstancias que rodearon o suceso para dar co paradoiro das persoas implicadas.
