O coordenador local de Esquerda Unida de Vigo lamentou este sábado o falecemento de Luisa Fernández, candidata á Alcaldía por EU no ano 2007 e, como subliña Rubén Pérez, “figura referencial de moitos movementos sociais de Vigo nos que participou activamente”, como os Comités anti-sida; o IMAN ou a Marcha Mundial das Mulleres.
Pérez sinala que “Luisa ensinounos a toda unha xeración de mozos e mozas que nos incorporáramos á militancia política nos 90 que esta non tiña sentido sen unha interlocución sinceira e activa co tecido social”. Mestra de profesión, dentro de Esquerda Unida era considera da, tamén, mestra, tamén, de todos os homes e mulleres de EU na “vontade de buscar espazos comúns para todos as forzas de esquerda da cidade foron sen dúbida o mellor dos piares que ela nos deixou e que hoxe fortalecen o proxecto da esquerda transformadora de Vigo».
Luisa Fernández, natural de Monforte, residía en Vigo dende o ano 79. Militou no PC dende o ano 72 e en Esquerda Unida dende a sua formación. Foi militante activa no colectivo vigués antisida (IMAN) e no movemento feminista, nomeadamente no Colectivo Violeta e na Marcha Mundial das Mulleres e membro da Asociación de axuda ós presos Concepción Arenal.
Rubén Pérez lembra o “compromiso militante de Luisa”, que en tempos difíciles para a organización “non dubidou en aceptar ser cabeza de lista de na municipais de 2007 en Vigo cando a organización solicitoullo”.
