O número de hipotecas constituídas sobre vivendas situouse en 867 en abril deste ano en Galicia, o que supón un descenso do 49,15% respecto ao mesmo período de 2011, no que se rexistraron 1.705, segundo os datos que publica este xoves o Instituto Nacional de Estatística (INE). O capital subscrito por este tipo de hipotecas se reduciu nunha porcentaxe similar, do 54,16%, ata os 73,18 millóns de euros, fronte aos máis de 159,63 millóns do pasado ano.
O descenso de abril é algo superior ao experimentado en marzo, cando as hipotecas sobre vivendas caeron un 43,9% en termos interanuais, ata as 1.224 operacións. Pola súa banda, a variación intermensual foi tamén negativa, do 29,2%.
Por cada 100.000 habitantes, en Galicia constituíronse un total de 68 hipotecas sobre terreos, o que supón un descenso do 44,5% respecto a abril de 2011. O importe medio hipotecado foi de 79.056 euros, un 29,6% menos en termos interanuais.
En total, Galicia contabilizou en abril 1.562 hipotecas creadas sobre terreos rústicos e urbanos, un 45% menos que no mesmo mes do ano pasado, por un importe próximo aos 123,5 millóns, un 60% menos, fronte aos 308,6 millóns de euros do mesmo mes de 2011.
