O Porriño acolle estes días a II Mostra da Camelia, unha cita floral que reúne máis de medio cento de expositores procedentes de distintos puntos de Galicia e tamén de Portugal. A exposición poderá visitarse ata este domingo nunha carpa instalada no Parque do Cristo.
Nesta segunda edición, a mostra ocupa 105 metros lineais de exposición nos que se exhiben os mellores centros florais dos participantes, unha decena máis que na primeira convocatoria. Segundo destacou o vicepresidente da Sociedade Española da Camelia, Antonio Luis Montes, durante a inauguración, o evento está xa “consolidado” no calendario floral.
No acto de apertura o alcalde do Porriño, Alejandro Lorenzo, convidou á cidadanía a achegarse ao municipio para visitar a mostra, saliengando o atractivo do Porriño como destino. Tamén lembrou que a próxima fin de semana se celebrará no municipio a Feira Apícola das Rías Baixas, outro evento vinculado á natureza, á cultura e á gastronomía.
A II Mostra da Camelia convive estes días coa Exposición das Camelias dos galegos e galegas, que permanecerá aberta ata o 14 de abril na praza Arquitecto Antonio Palacios.
Outras novas
- Hallan un cadáver en avanzado estado de descomposición en Monteferro, en Nigrán
- KLM aterriza por primera vez en Galicia con una ruta directa entre Santiago y Ámsterdam
- Muere un motorista en una colisión con un turismo en Arbo
- Vigo estrena el desfile de las Fuerzas Armadas con miles de asistentes y un incidente inédito con la bandera de España
- El Paseo de Alfonso escenarios, este domingo, un concierto gratuito al aire libre
