O Concello do Porriño vén de publicar as bases reguladoras para a convocatoria das Becas Antonio Palacios 2025, dirixidas ao alumnado do municipio que obtivese os mellores expedientes académicos na PAU. Con esta iniciativa, o Concello quere recoñecer o esforzo e a excelencia do alumnado de 2o de Bacharelato que acadou as mellores cualificacións na Proba de Acceso á Universidade.
15 axudas de 300 euros
Concederanse un total de 15 axudas de 300 euros cada unha, destinadas a apoiar os estudos
universitarios do alumnado con mellores resultados. A selección do alumnado realízase atendendo a
unha nota igual ou superior ao 8,5 na fase xeral da PAU.
Prazo
Este martes, 1 de xullo, ábrese un prazo de 15 días hábiles para que as persoas interesadas presenten a súa solicitude a través do Rexistro do Concello, xunto coa documentación requirida, que se detalla nas propias bases. O texto completo das bases pode consultarse na páxina web do Concello, oporrino.org.
Tamén en vigoalminuto
- Cae la banda que sembró el miedo en bares del sur de Pontevedra: asaltaban bares de manera extraordinariamente violenta
- Cíes, conciertos y pantallas: el Concello vuelve a culpar a la Xunta
- El Concello de Vigo impide otro evento veraniego, pocas horas antes de su inicio
- A gran afluencia esperada leva O Porriño a cambiar de lugar a pantalla da final España-Arxentina
- Cae en Vigo un grupo acusado de desvalijar viviendas
- La Xunta prohíbe el baño en dos playas de Baiona y obliga a izar la bandera roja
Entrega
A entrega simbólica destas becas terá lugar nun acto institucional nos vindeiros días, co obxectivo de homenaxear ao alumnado galardoado e poñer en valor o papel dos centros educativos e das familias no proceso formativo. As becas levan o nome de Antonio Palacios, arquitecto porriñés de renome, como símbolo do compromiso da vila do Louro coa cultura, o coñecemento e a formación. O Porriño continúa así a súa «aposta decidida pola educación de calidade».
