O grupo municipal do PP de Fornelos de Montes vén de denunciar publicamente a intención do Goberno local de suprimir por completo a única zona verde existente na vila, que se atopa a carón do parque infantil, a través dun proxecto de urbanización de formigonado integral de todo este espazo.
Así, a concelleira popular Antía Rodríguez, lamenta que este sexa o proxecto, escollido ao abeiro do Plan Provincia Extraordinaria da Deputación, que financiará 281.845€ do montante total de 331.582€. Incluso vén de impulsar a celebración dun pleno extraordinario, que tivo lugar esta mesma mañá, para que o Goberno municipal “rectificase un proxecto que non responde ás necesidades de Fornelos, con moitas eivas en estradas e saneamento, e que afonda na creación de espazos urbanos duros e despersonalizados”.
Segue adiante
Sen embargo, o goberno de Emiliano Lage rexeitou esta proposta e mantivo a súa intención de formigonar esta zona verde. “Aquí xúntanse dúas cuestións que confirman a ineficacia desta xestión: por unha banda, hai necesidades moito máis urxentes en Fornelos e, por outro lado, o proxecto elixido vai contra as características propias dun concello rural como o noso incidindo nunha urbanización excesiva. Todo isto, e a pechazón do alcalde a non dar marcha atrás, contradi por completo as súas afirmacións de que se fai unha análise rigorosa das necesidades, porque a verdade é que non se pode escoller peor un proxecto e, o máis grave, dilapidar máis de 300.000 euros e perder unha grandísima oportunidade de facer algo de proveito”, sinala Antía Rodríguez.
Outras novas
- Empiezan a funcionar las Zonas de Bajas Emisiones: quién puede entrar, qué excepciones hay y cuándo empezarán las multas
- Este fin de semana tienes dos mercados para renovar el armario: ropa de marca con descuentos y moda de segunda mano
- ‘KIRO’, el documental sobre Ana Kiro, llegará a los cines en diciembre tras su estreno en el OUFF
- Nuevo golpe al tráfico de drogas en la ciudad: cinco detenidos y casi un kilo de estupefacientes incautados
- El presidente del CSD coloca a Vigo entre las sedes del Mundial 2030: «Creo que estará»
- 47 estudiantes de ‘Vigo en Inglés’ siguen en Madrid a la espera de una nueva conexión con Londres
Sobrequecemento
Ademais, a responsable popular advirte tamén de que, froito do formigonado, tanto a zona do parque infantil como o resto da contorna van padecer un sobrequecemento excesivo de temperatura durante o verán, o que prexudicará o seu emprego polos nenos. Finalmente, lembra que a actuación vai na liña contraria do ano anterior, cando se investiron 20.000 euros para crear unha zona orientada a mitigar o calor deste espazo e «que agora van desfacer, malgastando eses fondos«.
