A Deputación de Pontevedra acaba de aprobar en Xunta de Goberno destinar 1,9 millóns de euros para que Agolada, Baiona, Bueu, A Estrada, A Guarda, A Lama, Nigrán, Poio, Ponteareas, Pontecesures, Silleda e Vila de Cruces impulsen novos investimentos e afronten gasto corrente ao abeiro das dúas primeiras liña do Plan +Provincia 2025, que xa leva distribuídos 18,4 millóns de euros neste 2025 entre os concellos da provincia de menos de 50.000 habitantes.
A Guarda, Baiona e Nigrán
Así, no marco da liña 2 A Guarda recibirá 61.915 € para actividades socioculturais, en concreto:
- 16.184€ para a Festa miudiña
- 12.700 € para o Ciclo Tocamúsica
- 10.000 € para a programación de teatro
- 3.630€ para Samaín
- 1.900€ para a programación de cine
- 2.500€ para a infraestrutura técnica do concerto de +Música e
- 15.000€ para a Festa da langosta e da cociña mariñeira
No caso de Baiona, serán 91.380 € para o gasto corrente derivado da programación cultural, deportiva e social:
- 39.821€ para o programa de apoio e reforzo escolar a menores en desvantaxe
- 16.212€ para accións de formación académica a familias en risco de exclusión social e
- 35.346€ para o programa de dinamización de maiores “Tempo para nós”
Tamén da liña 2 Nigrán recibirá 92.800 € para as seguintes actividades culturais e deportivas:
- Vive Nigrán (30.000€)
- Solpor Monteferro (21.000€)
- Nigrán Jazz (10.200€)
- Parrulas Fest (13.500€)
- Concerto de Carlos Núñez (9.000€)
- Primavera de Jazz (6.000€)
- Campeonato de surf adaptado (10.500€)
- Vermú de barrio (6.000€)
- Cinema a pedal (6.000€)
- Nigrán Blues (10.500€)
- Chandefolk (9.000€)
- Apertuke (7.500€)
Bueu, Ponteareas, Pontecesures
Ademais, Bueu 141.525€ para a reurbanización integral do camino de Castiñáns a Loureiro; Ponteareas 203.238€ para a pavimentación de camiños nas parroquias de San Mateo, Oliveira, Arcos, Padróns, Areas, Cumiar, Ponteareas e Bugarí; e Pontecesures 225.453€ para a reforma da rúa Raimundo García Domínguez “Borobó”.
Tamén en vigoalminuto
- Peinador creció en noviembre en número de viajeros, pero sigue siendo el tercer aeropuerto gallego
- Las obras de la Avenida de Madrid se prolongarán 4 meses más de lo previsto
- El Puerto inicia la instalación de las pasarelas de acceso al visor submarino de “Peiraos do Solpor”
- Dúas persoas falecen nun choque frontal entre un turismo e un camión na N-547 en Arzúa
- Vigo implanta un programa pionero de cribado para detectar la disfagia en pacientes hospitalizados
- La Policía Nacional intercepta por primera vez en España un alijo de pastillas de heroína
Agolada, A Lama, Silleda, Pollo e A Estrada
Desta maneira, a través da liña 1, Agolada recibe 372.291€ para dous proxectos: 95.204 € para completar o financiamento da recuperación e humanización da avenida de Iryda, que conta con 500.000 €
do Plan Extra, e 277.087 € para a mellora de camiños de titularidade municipal con firme de asfalto en
Berredo e Buxán.
Ademais, A Lama recibe 88.235€ para a mellora da accesibilidade e a seguridade peonil na contorna da igrexa de San Salvador, completando os 500.000 € do Plan Extra; Silleda recibirá 149.425€ para completar os 597.698 € do Plan Extra para a mellora da mobilidade na avenida do Parque; Vila de
Cruces sumará aos 700.000€ deste mesmo plan para a humanización do núcleo urbano nas rúas Neira
Vilas, Sergio Iglesias Pazos e a Travesía Vázquez, 212.780 € do +Provincia.
Ademais, tamén ao abeiro da liña 1 de investimentos A Estrada recibirá 140.000€ para a compra dun
vehículo pala mixto retro-cargadora para o servizo de obras do concello. E, finalmente, Poio contará con 92.166€ para o pagamento de débedas a acredores de gasto corrente e de investimentos.
