O Concello de Tui vén de iniciar as obras de urbanización do Paseo da Corredoira e da rúa Augusto González Besada, unha intervención destinada á recuperación deste espazo como punto de encontro e convivencia, garantindo a mellora da mobilidade peonil, a integración urbana e a renovación das infraestruturas nunha contorna histórico.
Trátase da Fase 1 dun proxecto que conta cun investimento de 1.165.581,54 euros, financiado con cargo do programa PON2030 da Deputación de Pontevedra. O prazo de execución estimado é de 8 meses.
Enrique Cabaleiro, alcalde de Tui, salienta que «con esta actuación recuperamos un dos espazos máis emblemáticos da nosa cidade, transformándoo nun lugar máis accesible, amable e adaptado ás necesidades actuais da veciñanza. Apostamos por un modelo máis sostible, no que as persoas sexan as protagonistas do espazo público».Cabaleiro salienta que esta actuación redunda tamén positivamente no tecido comercial e de restauración situado neste céntrico paseo.
Substitución do adoquinado
A actuación abrangue a substitución do adoquinado na antiga zona de estacionamento do tramo sur, na marxe oeste, por lousa de granito. Así mesmo, procederase ao acondicionamento do acceso ao Paseo da Corredoira desde a rúa Ordóñez, creando un espazo diferenciado que disporá dunha zona de carga e descarga e dunha área de estancia con arborado. O proxecto contempla tamén a renovación integral das redes de saneamento e abastecemento, coa instalación dun colector para a recollida separativa de augas pluviais e fecais, o que permitirá dar solución aos problemas recorrentes de evacuación de augas nos inmobles da zona.
Tamén chegara á Praza da Inmaculada, mediante a construción dunha plataforma única e a adecuación das súas condicións de accesibilidade mediante ramplas de acceso ao edificio onde está situada a Policía Local. Por último, se mellorará o pavimento de toda a súa contorna abranguendo un tramo da rúa Rosa Bahamonde e a súa travesía.
Tamén en vigoalminuto
- USO denuncia calor extremo en la estación de Ourense, tras registrarse desmayos de trabajadores
- El Concello activa un dispositivo especial por la ola de calor
- Esta noche, en Vigo tendremos que elegir entre Deep Purple o la selección española
- Vigo construye la mayor plataforma solar marina del mundo: ya navega rumbo a Valencia
- La Feria del Libro de Vigo llena este jueves la ciudad de actividades y firmas de autores: consulta el programa completo
- Detectan por primera vez en las Rías Baixas una macroalga invasora tropical
Rúa Augusto González Besada
Na rúa Augusto González Besada establecerase unha plataforma única con prioridade peonil, elevando a cota ao nivel das actuais beirarrúas. A circulación rodada terá sentido único oeste-este, cun ancho de 3,2 metros en adoquinado de granito. Nos laterais habilitaranse prazas de estacionamento organizadas en bloques de dúas, incluíndo espazos reservados para persoas con mobilidade reducida e áreas de carga e descarga. Ademais, ao longo de toda a rúa disporase un paseo arborado e novo mobiliario urbano.
Dado o carácter histórico da zona, o proxecto prevé tamén a realización de sondaxes e estudos arquitectónicos que permitan preservar e poñer en valor o patrimonio existente.
