A Deputación de Pontevedra dedicará a Gala do Deporte aos olímpicos e paralímpicos da provincia, tal e como anunciou hoxe a vicepresidenta Luisa Sánchez, coincidindo cunha visita ao pavillón do IES Castelao de Vigo, lugar elixido para a celebración o vindeiro 8 de novembro a partir das 19:00 horas. Segundo informou a representante provincial, o evento centrarase nun recoñecemento aos participantes nas Olimpíadas e Paralimpíadas de París 2024.
A responsable provincial, quen tivo a oportunidade de supervisar a planificación da montaxe no pavillón do centro escolar con parte do equipo técnico, prometeu unha gala “inusual e chea de sorpresas, que non deixará a ninguén indiferente”.
Ademais en vigoalminuto
- El BNG alerta de que Vigo dejará sin ejecutar al menos 105 millones en 2026
- Sánchez felicita a Caballero por rectificar con la Reconquista y alerta: Vigo sigue sin plan para el Mundial 2030
- El Concello tira de remanentes y moviliza 15,6 millones para reforzar su agenda de inversiones
- Las Cíes rozan las 4.500 autorizaciones al inicio de Semana Santa
- Un vecino habría cargado a una comunidad de propietarios más de 45.000€ por facturas personales
- Obras de emergencia en la A-55 para reparar el firme entre Vigo, O Porriño, Mos y Tui
Mellores deportistas de 2024
Xunto a este homenaxe aos participantes nos Xogos de París, o deporte provincial terá un lugar destacado no contido da gala, na que se recoñecerán de forma destacada os logros e méritos máis salientables dos deportistas da provincia na tempada do 2024.
A gala, que incluirá proxeccións audiovisuais, música e exhibicións deportivo-artísticas, estruturarase en tres grandes bloques, dedicando un terceiro eixo temático á provincia como escenario de grandes eventos deportivos; sede de O Gran Camiño, do Internacional 6 Days of Enduro, do Mundial de Ciclocrós, da Vuelta Ciclista ou dos partidos oficiais das seleccións absolutas feminina e masculina de balonmán, entre outras citas destacadas.
Xa por último, a vicepresidenta adiantou que unha grande figura do deporte provincial será homenaxeada nesta nova edición, unha tradición iniciada na gala do 2023, aínda que preferiu non dar maiores detalles para manter a expectación.
Axudas para deportistas da provincia
Noutra orde, Luisa Sánchez aproveitou a ocasión para facer pública a resolución das axudas convocadas pola institución provincial para os deportistas da provincia que participaron nos Xogos Olímpicos ou
Paralímpicos, e da que resultaron beneficiarios 24 deportistas da provincia, cunha achega individual de
5.208,33€.
«A liña está dotada dun crédito de 125.000 euros, e o goberno provincial púxoa en marcha
tendo en conta que máis da metade dos deportistas galegos que competiron en París 2024 son da provincia de Pontevedra«.
