Así é…literalmente. Tomiño quere achegar o seu gran de area para impulsar a presenza do galego tamén no ámbito tecnolóxico. Para conseguilo, o Concello colabora de forma activa na campaña de captación de voz organizada ao abeiro do Proxecto Nós, unha iniciativa pioneira impulsada pola Universidade de Santiago de Compostela e a Xunta de Galicia que busca garantir que a lingua galega estea plenamente integrada en todos os dispositivos electrónicos e servizos dixitais.
Como explica a alcaldesa, Sandra González, para Tomiño “é un orgullo participar nun proxecto que consideramos esencial para o noso idioma, non só para preservalo, senón para poder facer avanzar ao galego no mundo dixital”. A rexedora convida a todos os tomiñeses e tomiñesas a doar as súas voces e conseguir que “calquera galego ou galega poida usar o noso idioma con total normalidade cando lle fale ao GPS, ao asistente de voz do móbil ou cando realice unha xestión a través de internet”.
Para lograr que os sistemas de intelixencia artificial recoñezan e interactúen en galego é necesario contar cunha ampla base de datos de textos e audios en lingua galega.
Outras novas en vigoalminuto
- Detenido en Cangas el joven acusado de herir con una navaja a otro en el cuello
- Caballero acusa a PP y BNG de «castigar» a Vigo por rechazar el túnel de la A-52, mientras ambos piden otro trazado
- Este domingo, ‘Conexións’ está de volta con dous concertos gratuítos en Coruxo e na praza da Pedra
- De Navia a A Ramallosa en bici: la nueva ruta de 14 kilómetros que unirá Vigo y Nigrán
- 28 persoas mortas e máis de 2.200 persoas feridas en accidentes de tráfico este verán en Galicia
- Muere en Vigo José Costas Peón, Peón Kurtz, fundador de Def Con Dos
Como facelo?
Para contribuír a recadar estas voces, o Concello celebra o vindeiro martes 15 de outubro unha xornada de captación de voz de 10.00 a 14.00 e de 16.00 a 20.00 horas na Aula CeMIT, no Campo da Feira. Durante 15 minutos, cada persoa participantes gravará a súa voz, achegando o seu gran de area ao desenvolvemento de ferramentas dixitais que permitan unha mellor interacción en galego con calquera dispositivo electrónico.
Para a campaña precísanse cinco persoas para cada tramo de media hora ao longo de toda a xornada. Apenas 30 minutos para unha doazón de voz que é sinxela e rápida e que supón un paso importante para que o galego teña presenza nos sistemas tecnolóxicos actuais e futuros. “A tecnoloxía está en constante evolución e queremos que o galego forme parte dese futuro. Este é o momento de garantir que podamos
falar a nosa lingua a asistentes como Siri ou Alexa, pedir cita médica ou incluso ditar un texto sen renunciar á nosa identidade lingüística”, salienta a alcaldesa.
As persoas interesadas en participar en doar a súa voz poden xa inscribirse a través dun formulario habilitado na web municipal. Toda as persoas participantes recibirán un agasallo por parte do Concello.
