Un rabaño de ovellas será a clave para combater a flora exótica invasora en Tomiño. O Concello xa ten en marcha un proxecto innovador a través do que se empregará o gando como parte dunha solución sostible para eliminar especies que ameazan a biodiversidade na área protexida da Rede Natura 2000 situada en Forcadela.
Eliminación de bambú
O proxecto busca continuar co traballo iniciado polo Concello de Tomiño nos últimos anos para a protección dos espazos da Rede Natura 2000. Deste xeito, as ovellas participarán no proceso de eliminación dos exemplares de Phyllostachy spp, unha especie de bambú presente nunha superficie de 1.330 m2, e de Arundo donax, cana presente nunha superficie de 1.280 m2.
Deste xeito, tras a retirada da parte aérea da planta de forma mecanizada con tractor de cadeas e manual dependendo das condicións do terreo, introduciranse ás ovellas nas parcelas para que se alimenten dos restos da trituración da parte aérea e do rebrote dos rizomas para debilitar o máximo posible as plantas, impedindo que volvan crecer. Unha vez debilitado os rizomas pasarase un arado para levantalos e extraelos de forma manual ou cun cultivador e volverá a darse paso ao gando para que se alimenten dos posibles rebrotes que aínda poidan quedar nas parcelas.
Como explica a concelleira de Medio Ambiente, Ana Belén Casaleiro, “as ovellas converteranse nas nosas mellores aliadas para manter en equilibrio este espazo tan valioso, contribuíndo á eliminación das especies invasoras sen ter que recorrer a métodos químicos ou agresivos para o medio ambiente”.
Outras novas en vigoalminuto
- Un helicóptero medicalizado evacúa a un motorista herido grave tras un accidente en Oia
El accidente se produjo en el punto kilométrico 29 de la PO-552 - Prisión para el hombre que asaltó a una mujer de 80 años mientras dormía en su casa de Teis
Amenazó a la víctima con un martillo y un cuchillo para llevarse dinero y objetos personales - El contrato de Vitrasa acumula 108 días de retraso mientras el informe clave sigue pendiente
El BNG denuncia que el documento técnico para valorar las ofertas sigue sin emitirse y advierte de inseguridad jurídica en una licitación de casi 470 millones
‘Orella de gato’
O traballo incluirá tamén a eliminación manual de Tradescantia fluminensis, coñecida como herba da fortuna ou orella de gato, unha especie con gran capacidade de invasión en zonas como as ribeiras dos ríos e presente nunha parcela de 357 m2. Neste caso, a eliminación levarase a cabo de xeito manual, retirando tanto a parte aérea como os estolóns en toda a superficie e repasando nunha segunda fase os rebrotes.
Este novo proxecto consolida o traballo realizado nos últimos anos en Tomiño e que continuará en 2024 e 2025, logo de que o Concello acadara unha subvención de case 30.000€ cofinanciada a cargo do Plan Estratéxico da PAC 2023-2027 de Galicia con a achegas do Fondo Europeo Agrícola de Desenvolvemento Rural (FEADER), así como da Xunta de Galicia e de fondos estatais.
