O Servizo Galego de Saúde (SERGAS) vén de formalizar o contrato para a redacción do proxecto básico e de execución e dirección de obra da nova área de Cirurxía Maxilofacial no Hospital Meixoeiro.
Esta nova unidade estará integrada por un equipo de dous especialistas en cirurxía maxilofacial, unha enfermeira, unha técnica auxiliar de enfermaría e persoal administrativo. Así, as novas instalacións permitirán a realización de cirurxías mediante anestesia local e tamén con sedación.
Está previsto que, de xeito inicial, a unidade atenda cada ano preto de 2.000 persoas, pertencentes ás áreas sanitarias de Vigo e de Ourense, Verín e O Barco de Valdeorras.
Outras novas en vigoalminuto
- Denuncian que el Sergas incorpora médicos sin la especialidad de Familia, en los PAC del área de Vigo
- Vigo e Nigrán quedarán unidos por unha senda de 14 quilómetros para camiñar e pedalear
- Nuevo pulso por la pantalla gigante: la Diputación lo intentará otra vez para el España-Francia tras el precinto
- Cangas convértese na capital galega do cómic
- Continúa la búsqueda de María Pereira en Redondela, con drones y nuevas batidas tras su desaparición en Vigo
- Zona Franca quiere construir 600 viviendas en Teis, 450 de ellas protegidas de alquiler
Equipamento de última xeración
A nova unidade de maxilofacial estará dotada con equipamento de última xeración, incluido un ortopantomógrafo dixital que permite realizar radiografías panorámicas da boca, cunha imaxe de ambos os dous lados do maxilar, da mandíbula e dos dentes, para identificar os problemas orais dos pacientes en 3D. Ademais, as imaxes poden ser visualizadas desde a plataforma de historia clínica electrónica IANUS de forma inmediata.
Este equipo suporá importantes vantaxes, tanto para os pacientes como para os profesionais, dado que emite menor radiación, conta cunha resolución de imaxe de maior calidade que a radiografía analóxica e garante a trazabilidade da información do paciente.
Situación provisional
Mentres se levan a cabo as obras da nova área de cirurxía maxilofacial, disporase dun espazo provisional específico no Hospital Meixoeiro coa dotación dun sofá de atención ao paciente e dos equipamentos necesarios para comezar paulatinamente a realización deste servizo. A previsión é que este espazo provisional comece a funcionar antes de que finalice este mes de setembro.
