Fin de semana sen mortes nas estradas galegas. Os profesionais de Urxencias Sanitarias de Galicia-061 asistiron durante estes días a 46 persoas debido a 37 accidentes de tráfico ocorridos desde as 3 da tarde do venres, 5, ata as 12 menos un minuto da noite deste domingo, 7 de xaneiro.
Asi, os recursos sanitarios mobilizados polos médicos que atenderon as chamadas na Central de Coordinación do 061 foron 47: as ambulancias asistenciais de soporte vital avanzado asistiron en 5 accidentes; as de soporte vital básico asistiron en 38 sinistros e os equipos sanitarios de Atención Primaria prestaron asistencia sanitaria en 4 accidentes.
En 41 casos os feridos foron trasladados a centros sanitarios e en cinco ocasións atendeuse no propio lugar do incidente.
