Houbo 81 feridos en 68 accidentes de tráfico
Urxencias Sanitarias de Galicia-061 asistiu durante a ‘ponte do 1º de Maio’ a 81 persoas debido a 68 accidentes de tráfico ocorridos nas estradas galegas entre as 3 da tarde do venres, 28 de abril, e as 12 menos un minuto da noite deste luns pasado, 1 de maio.
A Central de Coordinación do 061, recibiu nestes días 75 chamadas en relación cos percances de tráfico e os recursos sanitarios mobilizados polos médicos que atenderon as chamadas, foron 79.
Así, as ambulancias asistenciais de soporte vital avanzado asistiron en 7 accidentes; o helicóptero medicalizado atendeu nunha ocasión; as ambulancias asistenciais de soporte vital básico asistiron en 67 sinistros e os equipos sanitarios de Atención Primaria, en 4 accidentes.
En 70 casos os feridos foron trasladados a centros sanitarios e en 11 ocasións atendeuse no propio lugar do incidente
