O concerto da xira conxunta de Barón Rojo e Obús previsto para o 8 de abril no hall do Mar de Vigo aprázase ao 14 de outubro por temas loxísticos.
Vainos tocar esperar un pouco máis para gozar en Vigo dos directos das bandas de rock máis grandes do noso país. Barón Rojo atópanse inmersos na súa xira de despedida ‘El último vuelto’, cos irmáns De Castro á fronte, mentres que Obús presenta a súa xira de 40º aniversario, con Fortu, Paco e demais membros do grupo.
Entradas válidas
As entradas xa adquiridas serán válidas para esta nova data. Así mesmo, fíxase un prazo 14 días para efectuar a devolución do importe das localidades para aqueles que non poidan asistir. Poden solicitala escribindo a [email protected]
