RGPD - Cookies
Destacados Vigo al minuto

O BNG pide que o Vitrasa sexa gratis para menores de 14 anos e persoas de baixos recursos

También que se equipara a tarifa de estudantes

O BNG pide que o Vitrasa sexa gratis para menores de 14 anos e persoas de baixos recursos

Após o anuncio Abel Caballero, de que a partir do vindeiro 1 de xaneiro o prezo do billete do Vitrasa aumentará cinco céntimos e de que se conxelará o importe das tarifas bonificadas da Pass Vigo, o Bloque Nacionalista Galego vén de demandar medidas adicionais.

Gratuito para cativos

O BNG reitera a petición de facer o bus gratuíto para as persoas menores de 14 anos de idade como xa se aplica noutras cidades galegas, do Estado e en Europa. «Non ten sentido seguir obrigando as crianzas a pagar o bus. A gratuidade é unha medida que beneficiará as familias e alentará a utilización do autobús», explicou o concelleiro do Bloque, Xabier P. Igrexas.

Persoas que cobren o Risga e o Ingreso Mínimo Vital

Igrexas avogou tamén pola creación dun novo bono social con tarifa gratuíta para as persoas desempregadas de longa duración, perceptoras de pensións non contributivas, RISGA, Ingreso Mínimo Vital ou axuda equivalente, así como en xeral para as persoas con baixos recursos. Na actualidade, o bono social vixente ten un prezo de 0,69 euros por viaxe.

«Falamos de persoas con ingresos de subsistencia ou sen ingresos e o que queremos é estenderlles a gratuidade para un servizo esencial, como o autobús, como desde hai moitos anos xa desfruta a maioría dos e das pensionistas da cidade», argumentou.

Mesmo prezo para todos os estudantes

Outra das medidas que reclaman dende o BNG é poñer fin «á histórica e inxusta discriminación que padece o estudantado non universitario». No concreto, defenden a equiparación da tarifa bonificada de estudante coa universitaria, o que suporía pasar de 0,86 euros a 0,67 euros por viaxe. «É indefendíbel que o alunado que cursa, por exemplo, un ciclo de formación profesional na cidade pague case un 30% máis caro o billete de autobús que aquel que está matriculado en estudos universitarios», denunciou Igrexas.

Potenciar o uso do bus

«Non abonda con dar conta das actualizacións aritméticas das tarifas», reprochou Igrexas, fronte aos anuncios do alcalde. En troca, desde o Bloque apostan por aplicar máis medidas que permitan «enfrontar os efectos sociais e económicos da crise da Covid19 e seguir a potenciar o uso do autobús sobre o vehículo particular».

También te puede interesar