O presidente do Goberno galego advertiu hoxe que tomará as «decisións» que o grupo de expertos clínicos que o asesora en materia da pandemia considere «oportunas» para frear o aumento dos casos de COVID, que superan xa os 1.200 en toda Galicia e levan aumentando trece días seguidos.
Feijóo, quen reivindicaou o traballo feito en Galicia contendo a incidencia e tamén na vacinación, fixo estas declaracións esta mañá, após reunirse coa ministra de Industria, Comercio e Turismo, Reyes Maroto e declarándose «tranquilo» sobra a incidencia da COVID con respecto a Europa e España, pero non á propia Galicia.
Falla de prudencia
O presidente apuntou que este outono vai medrar a incidencia da enfermidade porque, salientou, «non se está sendo prudentes nas zonas de lecer e en espazos pechados que é onde se necesita un mínimo de distancia e máscaras».
