RGPD - Cookies
Destacados Vigo al día

Advirten da «destrución» de 39 postos de traballo no Concello de Vigo

O BNG asegura que o Goberno de Caballero non executa a oferta de emprego público dende 2017

O BNG denuncia que o Goberno local impide ver o expediente do Plan Xeral

O Bloque Nacionalista Galego anunciou este luns a súa oposición á decisión do Goberno municipal de «amortizar 39 postos de traballo do Concello» para o próximo ano, concentrados nomeadamente en diferentes categorías de oficios. O concelleiro do Bloque, Xabier P. Igrexas, adiantou que van presentar emendas aos orzamentos de 2022 para demandar que se rectifique esta destrución de emprego público.

«Nefasta» política de persoal

O portavoz municipal do BNG cualificou como «nefasta» a política persoal do goberno de Abel Caballero, que ten sen adxudicar por «deslexio e desidia» preto de 200 prazas públicas. Igrexas explicou que están «sen executar case na súa totalidade, agás algunhas poucas prazas de bombeiros, as Ofertas de Emprego Público (OEP) desde o ano 2017. E nesta altura de 2021 aínda está pendente a aprobación da OEP para este exercicio».

«Privatización» de servizos

Para este «novo intento de destrución de postos de traballo» responde a unha aposta do Goberno municipal pola privatización e externalización de servizos, como vén de suceder coa xestión das instalacións deportivas do Concello. «Cremos que é o momento de apostar decididamente por reforzar con máis persoal público o en lugar de aplicar a receitas do PP como está a facer de maneira reiterada o goberno de Caballero», afirmou Igrexas.

O BNG de Vigo presentará emendas ás contas de 2022 para reverter esta decisión e urxir un cambio na política laboral do Goberno municipal, na liña do demandado polo propio comité de persoal do Concello. O portavoz municipal del Bloque recordou que estes postos de traballo son necesarios para un mellor funcionamento dos servizos públicos e a atención á veciñanza.                     

También te puede interesar